Til fróðleiks um ólífuolíur
Allar okkar ólífuolíur eru framleiddar eftir hæstu gæða stöðlum af fjölskyldu fyrirtækinu Frantoio Romano Vincenzo. Hér fyrir neðan er smá samantekt um hvað mismunandi vottanir merkja.
Ólífuolía kemur í mismunandi gæðum eins og extra virgin (fyrsta flokks), virgin (hrein ólífuolía) og hreinsuð (refined), eftir framleiðsluferli og gæðum.
-
DOP (Vernduð upprunavottun / Denominazione di Origine Protetta): Er evrópsk vottun sem tryggir að ólífuolían sé framleidd, unnin og pökkuð innan ákveðins landsvæðis samkvæmt hefðbundnum aðferðum. Tryggir há gæði og sterka tengingu við upprunasvæði.
-
IGP (Vernduð landfræðileg merking / Indicazione Geografica Protetta): Svipuð DOP, en með sveigjanlegri kröfum. Að minnsta kosti einn þáttur framleiðslunnar (t.d. vinnsla eða pökkun) þarf að eiga sér stað á tilgreindu svæði. Tryggir tengingu við landsvæði en ekki með jafn ströngum skilyrðum.
-
Lífræn: Þýðir að ólífurnar eru ræktaðar án tilbúinna efna (svo sem illgresis- og skordýraeiturs) og að framleiðslan fylgi vottuðum lífrænum landbúnaðarstöðlum. Lögð er áhersla á umhverfisvænni og hollari framleiðslu, frekar en landfræðilegan uppruna.
| Hugtakið | Merking | Uppruni | Gæðakröfur | Umhverfiskröfur |
|---|---|---|---|---|
| Ólífuolía | Almennt heiti á olíu úr ólífum. | Alls staðar | Fer eftir flokkun (t.d. extra virgin) | Engar sérstakar |
| DOP | Vernduð upprunavottun – allt framleitt á tilteknu svæði. | Sérstakt svæði (100%) | Mjög strangar | Ekki endilega lífrænt |
| IGP | Landfræðileg vottun – að hluta til frá tilteknu svæði. | Að hluta frá svæði | Hóflegar | Ekki endilega lífrænt |
| Lífræn | Framleitt án tilbúinna efna og með vistvænum aðferðum. | Hvar sem er | Fer eftir olíuflokki | Strangar lífrænar kröfur |